განვითარება - დაფინანსება საქართველოში - მოკლემეტრაჟიანი მხატვრული კინოპროექტების პიჩინგ ვორქშოფი

მოკლემეტრაჟიანი მხატვრული კინოპროექტების პიჩინგ ვორქშოფი

01.11.2016
თბილისის მე - 17 საერთაშორისო კინოფესტივალი წარმოგიდგენთ მოკლემეტრაჟიანი მხატვრული ფილმის პროექტების „პიჩინგ ვორქშოფს".

„პიჩინგ ვორქშოფი" მიზნად ისახავს ახალგაზრდა ქართველი რეჟისორებისა და პროდიუსერების ხელშეწყობას, მოკლემეტრაჟიანი მხატვრული კინოპროექტების მარკეტინგულ შეფუთვასა და ფართო აუდიტორიის წინაშე წარდგენაში.

1 და 2 დეკემბერს ჩატარდება ორდღიანი ტრენინგი, ხოლო 3 დეკემბერს გაიმართება „პიჩინგ ფორუმი", სადაც ქართველი რეჟისორების და პროდუსერების პროექტებს შეაფასებს საერთაშორისო ჟიური. პიჩინგ ფორუმის საპრიზო ფონდი შეადგენს 3000 ლარს, რომელიც „ქართული ფილმის განვითარების ფონდმა" გამოყო.

„პიჩინგ ვორქშოფში" მონაწილეობის მიღების სურვილის შემთხვევაში, გთხოვთ, ქვემოთ ჩამოთვლილი დოკუმენტაცია გამოაგზავნოთ მისამართზე: opencall@tbilisifilmfestival.ge , 2016 წლის 13 ნოემბრის 18:00-მდე:

• შევსებული აპლიკაციის ფორმა;
• აპლიკანტის CV და 1 ფოტოსურათი;
• პროექტის სინოფსისი (3 პარაგრაფი/მაქს. 1 გვერდი);
• რეჟისორის ხედვა (მაქს. ნახევარი გვერდი);
• ვიზუალური მასალა (Moodboard, საპრეზენტაციო მასალა);
• რეჟისორის წინა ნამუშევარი (ლინკი, პაროლი);
• სცენარისტის/რეჟისორის/პროდიუსერის მოკლე ბიოგრაფია და ფილმოგრაფია. 


დამატებითი მოთხოვნები:
• ყველა მონაწილე პროექტი უნდა იყოს წარმოდგენილი ინგლისურ ენაზე; 
• პიჩინგ ვორქშოფში მონაწილეობას იღებს მხოლოდ ის პროექტი, რომელსაც არ მიუღია ჯილდო ფესტივალის პიჩინგ ფორუმზე 2015 წელს;
• სავალდებულოა, პროექტის მთავარი პროდიუსერი იყოს საქართველოს მოქალაქე;
• ფორუმზე მონაწილეობას იღებს მხოლოდ მოკლემეტრაჟიანი მხატვრული ფილმის პროექტი;
• პროექტის საბოლოო პრეზენტაცია გაიმართება ინგლისურ ენაზე (იმ შემთხვევაში თუ პროდიუსერს სურს პრეზენტაცია ჩაატაროს ქართულად, მან უნდა უზრუნველყოს სინქრონული თარგმანი ინგლისურ ენაზე).


ჯილდოს მიღების შემთხვევაში, პროდიუსერი ვალდებულია:
• მოიხსენიოს ჯილდო ფილმის ტიტრებში;
• ფილმის პრეს-რელიზში გამოიყენოს ჯილდო და თბილისის საერთაშორისო კინოფესტივალის ლოგო; 
• ახსენოს ჯილდო და თბილისის საერთაშორისო კინოფესტივალი ფილმთან დაკავშირებულ ყველა სარეკლამო აქტივობაში.

დამატებითი კრიტერიუმები:
• პროექტი უნდა იყოს საწყის ეტაპზე;
• ფილმის ხანგძლივობა არ უნდა აღემატებოდეს 52 წუთს;
• კო -პროდუქციის შემთხვევაში მთავარი პროდიუსერი უნდა იყოს საქართველოს მოქალაქე;
• პროექტს უნდა ჰყავდეს: პროდიუსერი, სცენარისტი, რეჟისორი.

დამატებითი ინფორმაცია:
• პიჩინგ ვორქშოფში მონაწილეობის მისაღებად, სპეციალური კომისია შეარჩევს 7 დან 10 პროექტამდე;
• შერჩეული პროექტების სია გამოქვეყნდება თბილისის საერთაშორისო კინოფესტივალის ვებ-გვერდზე არა უგვიანეს 2016 წლის 25 ნოემბრისა;
• ჟიურის შემადგენლობაში შედიან მსოფლიოში აღიარებული პროფესიონალები (წარმოების, დისტრიბუციის, დაფინანსების, გაყიდვების სფეროებიდან);
• პიჩინგ ფორუმი იღებს ვალდებულებას უზრუნველყოს ქართველი პროდუსერების, სცენარისტების და რეჟისორების პირისპირ შეხვედრა ფესტივალზე აკრედიტებულ კინო-პროფესიონალებთან;
• გამარჯვებული დაჯილდოვდება თბილისის საერთაშორისო კინოფესტივალის დახურვის ცერემონიაზე, 2016 წლის 4 დეკემბერს;
• გამარჯვებული პროექტის პროდიუსერები დაჯილდოვდებიან ფულადი პრემიით და სიგელით.

გადმოწერეთ აპლიკაციის ფორმა


პროექტების მიღების ბოლო ვადა არის 2016 წლის 13 ნოემბერი, 18:00 საათამდე.
opencall@tbilisifilmfestival.ge

ინფორმაციისათვის ეწვიეთ თბილისის საერთაშორისო კინო ფესტივალის ვებ-გვერდს.