„ღამის სერენადების“ რიგით მეოთხე კონცერტი ბათუმში

ლიანა ისაკაძის სახელობის საერთაშორისო ფესტივალის „ღამის სერენადების“ რიგით მეოთხე კონცერტი ბათუმში შედგა.

კონცერტზე წარმოდგენილი იყო სპეციალურად ფესტივალისთვის შექმნილი პროგრამა - „ტანგოს სული“, რომელიც არგენტინული ცეკვითაა შთაგონებული. მსმენელის წინაშე წარდგნენ: მარიო სტეფანო პიეტროდარკი - ბანდონეონი; თამარ ლიჩელი - ფორტეპიანო; ნიკოლოზ ვადაჭკორია - ფლეიტა; კვინტეტი „საქართველოს ვირტუოზები“ (პირველი ვიოლინო - ლელა მჭედლიძე).

„ღამის სერენადები“ გრძელდება:

9 ოქტომბერი - თბილისის სახელმწიფო კონსერვატორია;

11 ოქტომბერი - ა.გრიბოედოვის სახელმწიფო დრამატული თეატრი;

საერთაშორისო ფესტივალი „ღამის სერენადები“, მევიოლინემ და დირიჟორმა, ლიანა ისაკაძემ 1982 წელს აფხაზეთში დააარსა.

ფესტივალის მხარდამჭერები არიან: საქართველოს კულტურის სამინისტრო, სსიპ „შემოქმედებითი საქართველო“, აჭარის კულტურის სამინისტრო, ქალაქ თბილისის მერია, ქალაქ ბათუმის მერია, ქალაქ ბორჯომის მერია, იტალიის საელჩო საქართველოში.