განაცხადების წარდგენის წესი და ფორმა

თუ გსურთ, შემოიტანოთ განაცხადი სსიპ „შემოქმედებით საქართველოში“ თქვენი პროექტის დაფინანსების მოთხოვნით, უნდა მიჰყვეთ შემდეგ ნაბიჯებს და წარადგინოთ დოკუმენტაცია:

• განცხადება პროექტის დაფინანსების თაობაზე - დანართი №1;

ეს არის განცხადება პროექტის დაფინანსების თაობაზე. უნდა შეავსოთ თქვენი პირადი მონაცემები და შინაარსობრივი ინფორმაცია პროექტის შესახებ;

• საპროექტო განაცხადი - დანართი №2.1;

ამ დანართში უნდა აისახოს პროექტის/ღონისიძების ჯამური ბიუჯეტი და მისი დეტალური აღწერა, პროექტის/ღონისძიების შეფასების კრიტერიუმები, თქვენი გამოცდილება პროექტების განხორციელების თვალსაზრისით, პროექტის განხორციელების ეტაპები;

• პროექტის ბიუჯეტი - დანართი №2.2;

ამ განაცხადში წარმოდგენილი უნდა იყოს პროექტის/ღონისძიების დეტალური ხარჯთაღრიცხვა. აუცილებელია, თან ერთოდეს ხელმოწერა. დოკუმენტის წარმოდგენა შესაძლებელია როგორც PDF, ასევე Microsoft Excel-ის ფორმატში;

• პირადობის დამადასტურებელი დოკუმენტი;

ფიზიკური პირის შემთხვევაში - პირადობის მოწმობის ან პასპორტის ასლი, ხოლო იურიდიული პირის შემთხვევაში კი უნდა წარმოადგინონ ამონაწერი მეწარმეთა და არასამეწარმეო იურიდიულ პირთა რეესტრიდან, განახლებული ბოლო ერთი წლის განმავლობაში;

• განმცხადებლის საბანკო რეკვიზიტები/საგადასახადო კოდი;
• წარმომადგენლის მეშვეობით დოკუმენტაციის წარდგენისას, წარმომადგენლის პირადობის დამადასტურებელი და წარმომადგენლობითი უფლებამოსილების დამადასტურებელი დოკუმენტი;

დოკუმენტების ხელმოწერა შესაძლებელია როგორც ელექტრონულად, ასევე მატერიალურად.

დოკუმენტაცია წარდგენილი უნდა იყოს ქართულ ენაზე, უცხოენოვანი დოკუმენტაციის არსებობის შემთხვევაში, აუცილებელია ნოტარიულად დამოწმებული ქართულენოვანი თარგმანი.

დანართების ფორმა:

დანართი №1;

დანართი №2.1;

დანართი №2.2.

საჭირო დოკუმენტაცია გამოაგზავნეთ მეილზე: info@creativegeorgia.ge

დამატებითი შეკითხვების არსებობის შემთხვევაში, მოგვწერეთ მეილზე: info@creativegeorgia.ge ან დაგვიკავშირდით ნომერზე:

გისურვებთ წარმატებებს!